Italiya terma jamoasi bosh murabbiyi Luchano Spalletti Yevro-2024dagi ilk o‘yin haqida gapirdi - shanba kuni italiyaliklar Albaniyaga qarshi o‘ynaydi.
"Bizda juda ko‘p his-tuyg‘ular bor, lekin bu asabiylikdan ko‘ra ko‘proq baxt hissi. Bu ajoyib o‘yin o‘tkazish uchun ajoyib joy. O‘yin qiyin bo‘ladi. Silvinyo bu jamoani qurishda ajoyib ish qildi. Biz yaxshi fazilatlarga ega, futbol uslubimizni yaxshi biladigan va ligamizda o‘ynaydigan futbolchilarga qarshi maydonga tushamiz. Bu qiyin o‘yin bo‘ladi.
Ishonchim komilki, biz o‘z uslubimiz bilan nimaga erishmoqchi ekanimizni ko‘rsata olamiz. Muxlislardan bizni qo‘llab-quvvatlashlarini so‘raymiz”, - dedi Spaletti jurnalistga.
