"Arsenal"ning tayanch yarim himoyachisi Tomas Parti tez orada Saudiya Arabistoni jamoasiga qo‘shilishi kutilmoqda. ESPN xabariga ko‘ra, ganalik futbolchi hozircha nomi noma’lum bo‘lgan mahalliy klublardan biriga o‘tishga yaqin turibdi.
Tomas Angliya Premyer-ligasining so‘nggi mavsumida bor-yo‘g‘i 14 ta o‘yinda qatnashgan va jarohatlar tufayli ko‘plab o‘yinlarni o‘tkazib yuborgan. Yarim himoyachining o‘zi Mikel Arteta jamoasini tark etmoqchi va klub shartnomasi bir yildan keyin tugashi va jarohatlar darajasini hisobga olib, futbolchi bilan xayrlashishga qarshi emas.
Parti 2020 yilning yozida "Atletiko Madrid"dan 40 million yevro tovon puli evaziga "Arsenal"ga o‘tgan edi.
