Niderlandiya terma jamoasi bosh murabbiyi Ronald Kuman Yevropa chempionati boshlanishi oldidan jamoasi haqida o‘z fikrlari bilan o‘rtoqlashdi.
"Hozirgi tarkibimiz juda yaxshi. O‘ylaymanki, ko‘plab davlatlar jamoamizdagi markaziy himoyachilarning ko‘pligiga hasad qilishadi. Qolaversa, ularning barchasi jiddiy klublarda o‘ynashadi. Bizda hali ko‘p yaxshi futbolchilar borligini his qilyapmiz. Agar biz muxlislarning katta qo‘llab-quvvatlashi bilan to‘g‘ri muhit yarata olsak, unda Niderlandiya turnirni ajoyib o‘tkazadi", - dedi Kuman UYEFA matbuot xizmatiga.
16 iyun, yakshanba kuni Niderlandiya terma jamoasi Gamburgda Polshaga qarshi bahs olib boradi. Toshkent vaqti bilan soat 18:00 da boshlanadi.
