Нидерландия терма жамоаси бош мураббийи Рональд Куман Европа чемпионати бошланиши олдидан жамоаси ҳақида ўз фикрлари билан ўртоқлашди.
"Ҳозирги таркибимиз жуда яхши. Ўйлайманки, кўплаб давлатлар жамоамиздаги марказий ҳимоячиларнинг кўплигига ҳасад қилишади. Қолаверса, уларнинг барчаси жиддий клубларда ўйнашади. Бизда ҳали кўп яхши футболчилар борлигини ҳис қиляпмиз. Агар биз мухлисларнинг катта қўллаб-қувватлаши билан тўғри муҳит ярата олсак, унда Нидерландия турнирни ажойиб ўтказади", - деди Куман УЕФА матбуот хизматига.
16 июнь, якшанба куни Нидерландия терма жамоаси Гамбургда Польшага қарши баҳс олиб боради. Тошкент вақти билан соат 18:00 да бошланади.
