Serbiya terma jamoasi Yevropa chempionati boshida ilk o‘yinini o‘tkazishga hozirlik ko‘rmoqda va unga qit’a vise-chempioni – Angliya terma jamoasi raqiblik qiladi.
Serbiya terma jamoasi yetakchisi, Turinning «Yuventus» klubi hujumchisi Dushan Vlaxovichdan Angliya terma jamoasi sardori Xarri Keyn haqida qanday fikrda ekanligi so‘ralgan:
«Keyn dunyoning eng yaxshi hujumchilaridan biri. Ammo men o‘zimni u bilan solishtirishni xohlamayman. Menga bunday bosim va bunday umidlar kerak emas”, - dedi Vlaxovich o‘yin oldidan bergan intervyusida.
Eslatib o‘tamiz, Serbiya va Angliya terma jamoalari yakshanba oqshomida o‘zaro bahs olib borishadi, o‘yin Toshkent vaqti bilan soat 00:00da boshlanadi.
