"Real Madrid" va Ispaniya terma jamoasi himoyachisi Daniel Karvaxal jamoadoshi va Xorvatiya terma jamoasi yarim himoyachisi Luka Modrich bilan futbolka almashdi.

15 iyun, shanba kuni Yevropa chempionati-2024 1-turidan o‘rin olgan Ispaniya va Xorvatiya terma jamoalari o‘rtasidagi uchrashuv bo‘lib o‘tdi. Uchrashuv ispanlarning 3:0 hisobidagi yirik g‘alabasi bilan yakunlandi. Gollardan birining muallifi 32 yoshli Karvaxal bo‘lib, uning uchun bu gol uning terma jamoadagi birinchisi bo‘ldi.

“Men futbolkamni saqlab qolmoqchi edim, chunki Ispaniya termasi uchun birinchi golimni aynan shu libosda urdim. Ammo Luka futbolkamni so‘radi va men, albatta, uni rad eta olmadim", - deya Karvaxal so‘zlarini keltiradi Madrid Universal.