"Реал Мадрид" ва Испания терма жамоаси ҳимоячиси Даниэль Карвахаль жамоадоши ва Хорватия терма жамоаси ярим ҳимоячиси Лука Модрич билан футболка алмашди.
15 июнь, шанба куни Европа чемпионати-2024 1-туридан ўрин олган Испания ва Хорватия терма жамоалари ўртасидаги учрашув бўлиб ўтди. Учрашув испанларнинг 3:0 ҳисобидаги йирик ғалабаси билан якунланди. Голлардан бирининг муаллифи 32 ёшли Карвахаль бўлиб, унинг учун бу гол унинг терма жамоадаги биринчиси бўлди.
“Мен футболкамни сақлаб қолмоқчи эдим, чунки Испания термаси учун биринчи голимни айнан шу либосда урдим. Аммо Лука футболкамни сўради ва мен, албатта, уни рад эта олмадим", - дея Карвахаль сўзларини келтиради Madrid Universal.