Portugaliya terma jamoasi himoyachisi Ruben Diash terma jamoa sardori, 39 yoshli hujumchi Krishtianu Ronaldu haqida o‘z jamoasining Yevro-2024 ga starti oldidan gapirdi.
"Krishtianu Ronaldu o‘z misolida orzular ro‘yobga chiqishini ko‘rsatadi. U bilan bir jamoada bo‘lish haqiqiy baxt. Jamoamizda ham tajribali, ham yoshroq futbolchilar bor. Hammamiz klublarimiz uchun eng yuqori saviyada o‘ynash bo‘yicha katta tajribaga egamiz va biz turnirga tayyormiz. Yevroda ko‘p narsa jamoa xarakteriga bog‘liq", - deya Diashning so‘zlarini keltiradi UEFA rasmiy sayti.
Yevropa chempionatida Portugaliya terma jamoasi Chexiya, Turkiya va Gruziya terma jamoalari bilan bir guruhdan joy olgan.