Португалия терма жамоаси ҳимоячиси Рубен Диаш терма жамоа сардори, 39 ёшли ҳужумчи Криштиану Роналду ҳақида ўз жамоасининг Евро-2024 га старти олдидан гапирди.
"Криштиану Роналду ўз мисолида орзулар рўёбга чиқишини кўрсатади. У билан бир жамоада бўлиш ҳақиқий бахт. Жамоамизда ҳам тажрибали, ҳам ёшроқ футболчилар бор. Ҳаммамиз клубларимиз учун энг юқори савияда ўйнаш бўйича катта тажрибага эгамиз ва биз турнирга тайёрмиз. Еврода кўп нарса жамоа характерига боғлиқ", - дея Диашнинг сўзларини келтиради УEФА расмий сайти.
Европа чемпионатида Португалия терма жамоаси Чехия, Туркия ва Грузия терма жамоалари билан бир гуруҳдан жой олган.
