Irlandiya terma jamoasining sobiq sardori Roy Kin Fransiya terma jamoasi yarim himoyachisi N'Golo Kantening Yevro-2024 doirasidagi Avstriya bilan o‘yinda (1:0) eng yaxshi futbolchi sifatida tan olinishiga izoh berdi.
"Kante xuddi yoshligidagidek harakat qilmoqda. Men unga hech qachon shubha qilmaganman. U boy tajribaga ega", - deya Kinning so‘zlarini keltiradi UYEFA matbuot xizmati.
Navbatdagi o‘yinda Fransiya 21 iyun kuni Niderlandiyaga qarshi maydonga tushsa, shu kuni Avstriya Polsha bilan to‘qnash keladi.