"Bayer" markaziy himoyachisi Jonatan Ta "Bavariya"ga o‘tmoqchi, ammo transfer juda qiyin ko‘rinadi. Jurnalist Kristian Falkning so‘zlariga ko‘ra, Vinsent Kompani jamoasi hozircha Jonatan uchun zarur bo‘lgan 40 million yevroni to‘lashdan qat’iy bosh tortgan.
28 yoshli Taning "Bayer" bilan shartnomasi tugashiga bir yil bor va o‘tgan yozda uning shartnomasida 18 million yevroga sotib olish varianti mavjud edi. Shu sabablarga ko‘ra, "Bavariya" so‘ralgan summani to‘lashga tayyor emas.
O‘tgan mavsumda Jonatan "Bayer"ga Germaniya chempionligini qo‘lga kiritishga yordam berdi va "Bavariya"ning Bundesligadagi o‘n bir yillik gegemonligiga barham berdi.
