"Байер" марказий ҳимоячиси Жонатан Та "Бавария"га ўтмоқчи, аммо трансфер жуда қийин кўринади. Журналист Кристиан Фалкнинг сўзларига кўра, Винсент Компани жамоаси ҳозирча Жонатан учун зарур бўлган 40 миллион еврони тўлашдан қатъий бош тортган.
28 ёшли Танинг "Байер" билан шартномаси тугашига бир йил бор ва ўтган ёзда унинг шартномасида 18 миллион еврога сотиб олиш варианти мавжуд эди. Шу сабабларга кўра, "Бавария" сўралган суммани тўлашга тайёр эмас.
Ўтган мавсумда Жонатан "Байер"га Германия чемпионлигини қўлга киритишга ёрдам берди ва "Бавария"нинг Бундеслигадаги ўн бир йиллик гегемонлигига барҳам берди.
