«PSJ» markaziy himoyachi pozisiyasini kuchaytirmoqchi.
Liga1 grandi bir necha oydan beri «Lill»ning 18 yoshli futbolchisi Leni Yoro uchun kurashmoqda, ammo u «Real»ga o‘tishni afzal ko‘radi. "SportsZone" xabariga ko‘ra, «PSJ» unga zaxira varianti sifatida yana bir istiqbolli markaziy himoyachi, «Benfika»dan Antoniu Silvani ko‘rib chiqmoqda. Fransiya chempioni Yoroni ishontira olmasa, 20 yoshli portugaliyalik futbolchiga variantiga rejalashtirgan.
Qayd etilishicha, Silva shu yozda «Benfika»ni tark etishga tayyor, biroq futbolchining kelajagi masalasi Yevro-2024dan keyin hal bo‘ladi. "Transfermarkt" ekspertlari Portugaliya terma jamoasining yosh himoyachisining narxini 45 million yevroga baholamoqda.
