Angliyaning “Lester” klubi yaqinda Londonning “Chelsi” klubini qabul qilib olgan Enso Mareska o‘rniga yangi murabbiy tayinlashga yaqin turibdi. Fabrisio Romanoning so‘zlariga ko‘ra, "tulkilar" 2023 yil aprelidan beri ishsiz bo‘lgan Grem Potterni tayinlashga yaqinlashmoqda.
Qayd etilishicha, tomonlar hozirda hamkorlikning yakuniy tafsilotlarini, jumladan Grem bilan birga kelishi mumkin bo‘lgan murabbiylar shtabi a’zolarini muhokama qilishmoqda. Yaqin vaqt ichida Potter "Lester" rahbariyati bilan to‘liq kelishuvga erishishi kerak.
"Tulkilar" o‘tgan mavsumda chempionlikni qo‘lga kiritdi va birinchi urinishdayoq Angliya Premyer-ligasiga qaytishdi.
