"Real"ning mashhur sobiq darvozaboni Iker Kasilyas yarim himoyachi Jud Bellingem haqida fikr bildirdi.
Kasilyasning fikricha, angliyalik futbolchining kelajakda madridliklar sardori bo‘lish imkoniyati yuqori.
"U allaqachon dunyoning eng nufuzli klubida muvaffaqiyatga erishib, ajoyib futbolchi ekanligini ko‘rsatgan.
Kelgusi yil Bellingemdan ko‘proq narsani talab qilishlari mumkin, ammo bu uni yulduzga aylantiradi.
Albatta, u "Real Madrid" sardoriga aylanishi mumkin. U sardorlik bog‘ichini olish uchun hamma narsaga ega.
Hozir jamoada tajribalilar ko‘proq, men unga faxriylardan o‘rganishda davom etishni, klub tarixini o‘zlashtirishni va buyuk futbolchi va sardor bo‘lish uchun hamma narsani qilishni maslahat bergan bo‘lardim", - deya Kasilyasning so‘zlarini keltiradi Daily Mail.
