"Реал"нинг машҳур собиқ дарвозабони Икер Касильяс ярим ҳимоячи Жуд Беллингем ҳақида фикр билдирди.
Касильяснинг фикрича, англиялик футболчининг келажакда мадридликлар сардори бўлиш имконияти юқори.
"У аллақачон дунёнинг энг нуфузли клубида муваффақиятга эришиб, ажойиб футболчи эканлигини кўрсатган.
Келгуси йил Беллингемдан кўпроқ нарсани талаб қилишлари мумкин, аммо бу уни юлдузга айлантиради.
Албатта, у "Реал Мадрид" сардорига айланиши мумкин. У сардорлик боғичини олиш учун ҳамма нарсага эга.
Ҳозир жамоада тажрибалилар кўпроқ, мен унга фахрийлардан ўрганишда давом этишни, клуб тарихини ўзлаштиришни ва буюк футболчи ва сардор бўлиш учун ҳамма нарсани қилишни маслаҳат берган бўлардим", - дея Касильяснинг сўзларини келтиради Daily Mail.
