«Barselona» bosh murabbiyi Xans-Diter Flik yozgi transfer oynasida jamoaning hujum chizig‘ini kuchaytirishga qaror qildi. Bu haqda "Sport.es" jurnalisti Ivan San Antonio xabar bermoqda.
Manbaga ko‘ra, germaniyalik mutaxassis «Atletik» va Ispaniya terma jamoasi vingeri Niko Uilyamsning transferiga qarshi emas, biroq bu kelishuv Kataloniya jamoasi uchun moliyaviy tomonlan juda og‘ir hisoblangan. Flik Ispaniya terma jamoasining yana bir o‘yinchisi, «RB Leypsig»ning ko‘p qirrali hujumkor yarim himoyachisi, Kataloniya jamoasi tarbiyalanuvchisi Dani Olmoni ikkinchi va hozirda ustuvor variant deb hisoblaydi. Qayd etilishicha, germaniyalik mutaxassis Olmodan qanday foydalanishni biladi.
