«Барселона» бош мураббийи Ханс-Дитер Флик ёзги трансфер ойнасида жамоанинг ҳужум чизиғини кучайтиришга қарор қилди. Бу ҳақда "Sport.es" журналисти Иван Сан Антонио хабар бермоқда.

Манбага кўра, германиялик мутахассис «Атлетик» ва Испания терма жамоаси вингери Нико Уильямснинг трансферига қарши эмас, бироқ бу келишув Каталония жамоаси учун молиявий томонлан жуда оғир ҳисобланган. Флик Испания терма жамоасининг яна бир ўйинчиси, «РБ Лейпциг»нинг кўп қиррали ҳужумкор ярим ҳимоячиси, Каталония жамоаси тарбияланувчиси Дани Ольмони иккинчи ва ҳозирда устувор вариант деб ҳисоблайди. Қайд этилишича, германиялик мутахассис Ольмодан қандай фойдаланишни билади.