"Liverpul"ning sobiq bosh murabbiyi Yurgen Klopp muntazam ravishda jamoasining o‘yinlari shanba kuni mahalliy vaqt bilan soat 12:30 ga belgilanganidan shikoyat qilgan. "Liverpul" birinchi tur o‘yinini aynan shunday vaqtda "Ipsvich"ga qarshi o‘tkazishi qiziq, garchi Klopp endi klubda bo‘lmasa-da.
Bunga "mersisaydliklar"ning yangi bosh murabbiyi Arne Slot munosabat bildirdi.
"Menga birinchi o‘yin soat 12:30da bo‘lishini aytishgandi. Bilishimcha, Yurgen bundan ko‘p noligan. Jadval tuzuvchilar, ehtimol, "Yurgen bu yerda bo‘lmagani uchun, ularni 12:30 ga qaytaramiz!", deyishgan bo‘lishi mumkin" - Slot.
