Argentina terma jamoasi hujumchisi va sardori Lionel Messi milliy terma jamoaning Kanada bilan 2024 yilgi Amerika kubogi guruh bosqichi 1-tur uchrashuvi (2:0)dagi g‘alabasi haqida fikr bildirdi.
"Biz qiyin o‘yin bo‘lishini bilardik, Kanada bunga qodir. Birinchi bo‘lim juda qiyin, shiddatli o‘tdi, biz yaxshiroq o‘ynashimiz mumkin edi, ammo g‘alabadan xursandmiz. Biz juda sabrlimiz - o‘ynashimiz va pas berishimiz kerak edi. Ba’zi joylarda sekin harakat qildik, ammo sabr qildik va yakunda gol urishga muvaffaq bo‘ldik", - dedi Messi o‘yindan so‘ng jurnalistlarga.
