Аргентина терма жамоаси ҳужумчиси ва сардори Лионель Месси миллий терма жамоанинг Канада билан 2024 йилги Америка кубоги гуруҳ босқичи 1-тур учрашуви (2:0)даги ғалабаси ҳақида фикр билдирди.

"Биз қийин ўйин бўлишини билардик, Канада бунга қодир. Биринчи бўлим жуда қийин, шиддатли ўтди, биз яхшироқ ўйнашимиз мумкин эди, аммо ғалабадан хурсандмиз. Биз жуда сабрлимиз - ўйнашимиз ва пас беришимиз керак эди. Баъзи жойларда секин ҳаракат қилдик, аммо сабр қилдик ва якунда гол уришга муваффақ бўлдик", - деди Месси ўйиндан сўнг журналистларга.