Angliya terma jamoasi hujumchisi Jarrod Bouen Yevro-2024'ning ikki turidan so‘ng "uch sherlar" o‘yini, xususan, Angliya terma jamoasi sobiq hujumchisi Gari Linekerning tanqidiga javob berdi.
"Men buni bunchalik kuchli ekanini bilmasdim. Biroq, bu haqda gapirishga uning haqqi bor, chunki uning o‘zi ham yurti uchun yuqori saviyada o‘ynagan. O‘ylaymanki, chinakam yaxshi jamoaning belgisi qo‘ldan kelgancha yaxshi o‘ynamasang, lekin shu bilan birga mag‘lub bo‘lmasligingga ishonching komil.
Bizda to‘rt ochko bor. Atrofda shovqin-suron, g‘azab ko‘p, go‘yo ikki marta yutqazib, oxirgi o‘rinda qolganmiz. Lekin haqiqat shuki, biz guruhda yetakchimiz va qanday qilib g‘alaba qozonishni bilgan holda guruhning so‘nggi o‘yiniga chiqamiz. Biz bu o‘yinni intiqlik bilan kutmoqdamiz", - deya Bouenning so‘zlarini keltiradi Goal.
Yevro-2024 guruh bosqichi 1-turida britaniyaliklar Serbiyani 1:0 hisobida mag‘lub etgandi. 2-turda Daniya bilan durang o‘ynadi (1:1).
