Англия терма жамоаси ҳужумчиси Жаррод Боуэн Евро-2024'нинг икки туридан сўнг "уч шерлар" ўйини, хусусан, Англия терма жамоаси собиқ ҳужумчиси Гари Линекернинг танқидига жавоб берди.
"Мен буни бунчалик кучли эканини билмасдим. Бироқ, бу ҳақда гапиришга унинг ҳаққи бор, чунки унинг ўзи ҳам юрти учун юқори савияда ўйнаган. Ўйлайманки, чинакам яхши жамоанинг белгиси қўлдан келганча яхши ўйнамасанг, лекин шу билан бирга мағлуб бўлмаслигингга ишончинг комил.
Бизда тўрт очко бор. Атрофда шовқин-сурон, ғазаб кўп, гўё икки марта ютқазиб, охирги ўринда қолганмиз. Лекин ҳақиқат шуки, биз гуруҳда етакчимиз ва қандай қилиб ғалаба қозонишни билган ҳолда гуруҳнинг сўнгги ўйинига чиқамиз. Биз бу ўйинни интиқлик билан кутмоқдамиз", - дея Боуэннинг сўзларини келтиради Goal.
Евро-2024 гуруҳ босқичи 1-турида британияликлар Сербияни 1:0 ҳисобида мағлуб этганди. 2-турда Дания билан дуранг ўйнади (1:1).
