Germaniya terma jamoasi Yevro-2024da “A” guruhida g‘olib chiqdi.

Yulian Nagelsmann shogirdlari bugun so‘nggi turda Shveysariya bilan durang o‘ynadi (1:1) va 7 ochko bilan birinchi o‘rinni egalladi. Shveysariyaliklar 5 ochko bilan ikkinchi bo‘ldi.

Uchinchi o‘rinda 3 ochko va minus uch to‘p farqi bilan Vengriya (2 ta gol urilgan, 5 ta o‘tkazib yuborilgan). Uning hali ham pley-offga chiqish imkoniyati bor - buning uchun u uchinchi o‘rin egalari orasida kuchli to‘rtlikka kirishi kerak.

Shotlandiya to‘rtlikni atigi bir ochko bilan yakunladi.

Pley-offda Germaniya "C" guruhining ikkinchi jamoasi, Shveysariya - "B" guruhida ikkinchi bo‘lgan jamoa bilan uchrashadi.