"Inter Mayami" va Argentina terma jamoasi hujumchisi Lionel Messi so‘nggi yillarda futbol qanday o‘zgargani haqida gapirdi.
"Futbol juda o‘zgardi. Bugun hamma o‘zicha taktik futbol o‘ynaydi. Bugun har qanday jamoa to‘rt o‘yinchidan iborat ikki chiziq yoki besh himoyachidan iborat bo‘lsa, yaxshi tashkil etilgan va muvofiqlashtirilgan bo‘lsa, vazifangizni qiyinlashtiradi. Ilgari juda ko‘p bo‘sh nuqtalar bo‘lar edi. Bugun esa futbol ko‘proq taktik va jismoniy holatga bog‘liq bo‘lib qoldi", - dedi Messi.
Argentina terma jamoasi Amerika Kubogining ilk uchrashuvida Kanadani 2:0 hisobida mag‘lub etgandi.
