Xorvatiya terma jamoasi bosh murabbiyi Zlatko Dalich Italiya bilan bo‘lib o‘tadigan Yevropa chempionati-2024 guruh bosqichi 3-tur uchrashuvi haqida gapirdi.
"Bu biz uchun tarixiy o‘yinlar seriyasidagi navbatdagi o‘yin. Biz tayyormiz va hammasi yaxshi bo‘lishiga ishonaman. Vidadan boshqa hamma sog‘lom, u o‘yinni asosiy terkibda boshlamaydi. Qolganlarning hammasi yaxshi. Uch ochko bilan biz davom etamiz. Boshqa har qanday holatda, biz uyga qaytamiz. Ammo men uyga bunchalik erta qaytishni xohlamayman", - deya Dalichning so‘zlarini keltiradi UEFA matbuot xizmati.
Xorvatiya - Italiya uchrashuvi bugun, 24 iyun kuni Leypsigda bo‘lib o‘tadi.
