Madridning “Real” klubi yozda Leni Yoroni sotib olmoqchi.

AS nashri xabariga ko‘ra, Madrid klubi himoyachini kelasi yili - uning "Lill" bilan shartnomasi tugaganidan keyin sotib olmoqchi bo‘lgan. Biroq Nacho Fernandesning “Al-Qodisiya”ga ketishi va Rafa Marinning “Napoli”ga o‘tishi kutilayotgani “Real”ni tezroq harakat qilishga majbur qilmoqda.

Fransiya klubi Yoroning transferi uchun 70 million yevro olishni istamoqda. Futbolchi uchun "PSJ" ham davogarlik qilmoqda - parijliklar 60 million yevro taklif qilishdi, Luish Kampush har qanday holatda ham Leni bilan shartnoma imzolamoqchi. Biroq futbolchining o‘zi "Real Madrid"ga o‘tmoqchi.

Ispaniya klubi 18 yoshli himoyachi uchun 40 million yevrodan ko‘p bo‘lmagan pul to‘lashga tayyor va bu summani 30-35 millionga tushirib, qolganini bonuslar ko‘rinishida to‘lamoqchi.

"Real" transfer masalasini Olimpiada o‘yinlari boshlanishidan oldin hal qilmoqchi.

O‘tgan mavsumda Liga 1da Yoro 32 ta o‘yin o‘tkazib, 2 ta gol urgan.