Tarixiy natija qayd etib, Olimpiada yo‘llanmasini qo‘lga kiritgan futbol bo‘yicha O‘zbekiston olimpiya terma jamoasini qo‘llab-quvvatlash maqsadida “Uzbekistan's Club” tashabbusi bilan “Men o‘zbekistonlikman – qonimda g‘alaba” shiori ostida jamoa madhiyasi uchun video suratga olindi.
O‘zbekistonliklarni bir maqsad yo‘lida birlashtirish, olimpiya jamoamizni bo‘lajak yirik musobaqada qo‘llab-quvvatlashga qaratilgan loyiha uchun Konstaning “O‘zbekistonlik” treki madhiya sifatida tanlab olindi. Suratga olish ishlarida bosh murabbiy Temur Kapadze va jamoa yulduzlari ishtirok etishdi.
Mazkur videorolik ilk marta 30 iyun – Yoshlar kuni munosabati bilan bo‘lib o‘tadigan katta gala-konsert mobaynida taqdim qilinadi.
Loyihaning ahamiyatli tomoni shundaki, uni amalga oshirish uchun davlat idoralari, xususiy kompaniyalar va kreativ sanoat vakillari birlashdi. Ular sportchilarni qo‘llab-quvvatlash, ularning atrofida barcha o‘zbekistonliklarni birlashtirishga qaratilgan ulug‘vor vatanparvarlik milliy loyihasini yaratish g‘oyasidan ilhomlandilar.
&description=Tarixiy%20natija%20qayd%20etib%2C%20Olimpiada%20yo%26amp%3Blsquo%3Bllanmasini%20qo%26amp%3Blsquo%3Blga%20kiritgan%20futbol%20bo%26amp%3Blsquo%3Byicha%20O%26amp%3Blsquo%3Bzbekiston%20olimpiya%20terma%20jamoasini%20qo%26amp%3Blsquo%3Bllab-quvvatlash%20maqsadida%20%26amp%3Bldquo%3BUzbekistan%26%23039%3Bs%20Club%26amp%3Brdquo%3B%20tashabbusi%20bilan%20%26amp%3Bldquo%3BMen%20o%26amp%3Blsquo%3Bzbekistonlikman%20%26amp%3Bndash%3B%20qonimda%20g%26amp%3Blsquo%3Balaba%26amp%3Brdquo%3B%20shiori%20ostida%20jamoa%20madhiyasi%20uchun%20video%20suratga%20olindi.&image=%2Fimages%2Fnews%2Fuzb-galaba.jpg&noparse=true){kind=link}