Ispaniya terma jamoasidan atigi bir nafar futbolchi ketma-ket ikkinchi uchrashuvda asosiy tarkibda maydonga tushadi.

Aymerik Lyaport Yevro-2024 guruh bosqichi 3-turida Albaniyaga qarshi birinchi daqiqalardanoq maydonga tushadi.

U Italiya bilan uchrashuvda ham maydonga tushgan edi va bugun tarkibda qolgan yagona o‘yinchi bo‘ldi. Qolgan o‘n nafar futbolchi guruh bosqichi oxirgi o‘yinida zaxirada o‘tiradi.

Ispaniya terma jamoasi tarixida uchinchi marta Yevropa chempionatida bunday rotasiyani amalga oshirdi. 2008 yilda ham xuddi shunday holat yuz bergan (Gresiya va Italiya bilan o‘yinlardan so‘ng). Yevroda boshqa hech bir jamoa navbatdagi o‘yin oldidan 10 ta o‘zgarish qilmadi.