"Vest Xem"dan hujumkor yarim himoyachi Muhammad Kudusni klublar qanchaga sotib olishi mumkinligi ma’lum bo‘ldi.

23 yoshli futbolchi Amsterdamning "Ayaks" klubidan ko‘chib o‘tganidan so‘ng Angliyada debyut mavsumini muvaffaqiyatli o‘tkazdi. Insayder Florian Plettenbergning so‘zlariga ko‘ra, Kudusning "Vest Xem" bilan shartnomasidagi tovon puli 85 million funt sterlingni (taxminan 100 million yevro) tashkil etadi va bu band allaqachon kuchga kirgan.

Muhammad Kudusga "Liverpul" va Premyer-liganing boshqa klublari qiziqish bildirmoqda. O‘tgan mavsumda ganalik futbolchi "bolg‘achilar" safida 48 ta o‘yinda maydonga tushib, 18 ta gol va 7 ta golli uzatmani amalga oshirgan.