"Вест Хэм"дан ҳужумкор ярим ҳимоячи Муҳаммад Кудусни клублар қанчага сотиб олиши мумкинлиги маълум бўлди.

23 ёшли футболчи Амстердамнинг "Аякс" клубидан кўчиб ўтганидан сўнг Англияда дебют мавсумини муваффақиятли ўтказди. Инсайдер Флориан Плеттенбергнинг сўзларига кўра, Кудуснинг "Вест Хэм" билан шартномасидаги товон пули 85 миллион фунт стерлингни (тахминан 100 миллион евро) ташкил этади ва бу банд аллақачон кучга кирган.

Муҳаммад Кудусга "Ливерпуль" ва Премьер-лиганинг бошқа клублари қизиқиш билдирмоқда. Ўтган мавсумда ганалик футболчи "болғачилар" сафида 48 та ўйинда майдонга тушиб, 18 та гол ва 7 та голли узатмани амалга оширган.