Ispaniya terma jamoasi yarim himoyachisi Dani Olmo o‘n yillik boshidan beri yirik xalqaro musobaqalarda eng ko‘p golli uzatmani amalga oshirgan futbolchilar ro‘yxatini boshqarib turibdi.
"RB Leypsig" futbolchisining samarali uzatmasi ispanlarga Albaniyani (1:0) mag‘lub etishga va Yevro-2024 guruh bosqichini 100 foizlik natija bilan yakunlashga yordam berdi. Opta ma’lumotlariga ko‘ra, aynan Olmo o‘n yillik boshidan beri jami golli uzatmalar soni bo‘yicha jahon chempionati va Yevropa chempionatlari reytingida peshqadamlik qilmoqda - beshta assist.
Ikkinchi o‘rinni Lyuk Shou (Angliya), Stiven Suber (Shveytsariya) va Ivan Perishich (Xorvatiya) to‘rttadan golli uzatma bilan bo‘lishib olishgan.
