Parij klubi “Napoli” hujumchisi Xvicha Kvarasxeliyaga mavsumiga 7,5 million yevro maoshni o‘z ichiga olgan 5 yillik shartnoma taklif qildi, deya xabar beradi La Gazzetta dello Sport.
Nashrning yozishicha, oy boshida "PSJ" gruziyalik futbolchining agenti Mamuka Jugeli bilan bir necha bor aloqaga chiqqan va bu taklif futbolchining atrofidagilar tomonidan ma’qullandi.
Shu bilan birga, “Napoli” va bosh murabbiy Antonio Konte Kvarasxeliyani jamoada saqlab qolish uchun urinishlarni davom ettirmoqda.
Klub futbolchi uchun yangi shartnoma loyihasini tayyorladi, unga ko‘ra uning maoshi uch baravar ko‘payadi (bonuslar bilan yiliga 1,5 milliondan 5 milliongacha).
Bundan tashqari, kelishuv hamkorlikni 2028 yilgacha uzaytirish, shuningdek, 120 million yevrodan ortiq miqdorda tovon to‘lash bandini kiritishni nazarda tutadi.
«PSJ» ayni damda futbolchining transferi uchun «Napoli»ga 100 million yevro taklif qilmoqda.
