Sloveniya terma jamoasi bosh murabbiyi Matyaj Kek jamoa kutilganidan yaxshi o‘ynaganini tan oldi. Guruh bosqichining so‘nggi turidan o‘rin olgan Angliyaga qarshi o‘yinda sloveniyaliklar mag‘lubiyatga uchramadi – 0:0.
Bu durang Kek jamoasiga guruhda uchinchi o‘rinni egallab, Yevro-2024 1/8 finaliga chiqish imkonini berdi.
"Guruhdan chiqishimizni kutmagandim. Biz o‘z o‘yinimiz bilan bunga loyiq ekanimizni ko‘rsatdik. Bugun biz turnir favoritlaridan biriga qarshi maydonga tushdik. Bizga biroz omad kulib boqgandir, lekin muxlislarimiz bizni juda yaxshi qo‘llab-quvvatlashdi, bundan minnatdormiz. Ikkinchi bo‘limda Angliya tezligini oshirdi va biz azob chekishimiz va moslashuvchan bo‘lishimiz kerak edi", - dedi Matyaj Kek o‘yindan keyingi intervyusida.
