Словения терма жамоаси бош мураббийи Матьяж Кек жамоа кутилганидан яхши ўйнаганини тан олди. Гуруҳ босқичининг сўнгги туридан ўрин олган Англияга қарши ўйинда словенияликлар мағлубиятга учрамади – 0:0.
Бу дуранг Кек жамоасига гуруҳда учинчи ўринни эгаллаб, Евро-2024 1/8 финалига чиқиш имконини берди.
"Гуруҳдан чиқишимизни кутмагандим. Биз ўз ўйинимиз билан бунга лойиқ эканимизни кўрсатдик. Бугун биз турнир фаворитларидан бирига қарши майдонга тушдик. Бизга бироз омад кулиб боқгандир, лекин мухлисларимиз бизни жуда яхши қўллаб-қувватлашди, бундан миннатдормиз. Иккинчи бўлимда Англия тезлигини оширди ва биз азоб чекишимиз ва мослашувчан бўлишимиз керак эди", - деди Матьяж Кек ўйиндан кейинги интервьюсида.
