Sloveniya Yevro-2024 pley-off bosqichiga yo‘llanma oldi.

Yevropa chempionati guruh bosqichi 3-turida sloveniyaliklar Angliya bilan durang o‘ynadi – 0:0.

Matyaja Keka shogirdlari 3 ochko bilan “C” guruhida uchinchi o‘rinni egalladi.

Sloveniya ochkolar bo‘yicha “B” guruhida 3-o‘rinni egallagan Xorvatiyani, to‘plar nisbati bo‘yicha “A” guruhidagi Vengriyani ortda qoldirdi.

Shu tariqa sloveniyaliklar o‘z guruhlarida uchinchi o‘rinni egallagan va pley-offda o‘ynaydigan kuchli to‘rtta jamoaga kirishdi.

Bu Sloveniya uchun ikkinchi Yevropa chempionati - birinchisi 2000 yilda bo‘lgan.