Fransiya terma jamoasi bosh murabbiyi Didye Desham jamoaning Yevro-2024da guruhdan chiqishi haqida gapirdi.
25 iyun kuni fransuzlar Polsha bilan ochko bo‘lishdi (1:1). Desham shogirdlari o‘z guruhida ikkinchi o‘rinni egallab, pley-offda ishtirok etishini ta’minladi.
"Guruh bosqichidan o‘tdik, biroq birinchi o‘rinni olishni xohlagandik, lekin qilishimiz kerak bo‘lgan ishni qildik.
Biz boshqa jamoalardan yaxshiroq edik. Biz bundan unumli foydalanib, keyingi raqibimizga yaxshi tayyorgarlik ko‘rishimiz kerak.
Polsha bilan o‘yinda bizda ko‘p imkoniyatlar bo‘ldi, ayniqsa birinchi bo‘limda. Darvozabon uchrashuvning eng yaxshi o‘yinchisi bo‘ldi va bu, menimcha, hammasini ko‘rsatib turibdi”, — deya Fransiya terma jamoasi ustozining so‘zlarini keltiradi UEFA matbuot xizmati.
