"Barselona"ning sobiq futbolchisi, 1999 yilda kataloniyaliklar safida "Oltin to‘p"ni qo‘lga kiritgan Rivaldo klubning hozirgi asosiy umidi - Yevropa chempionatida ham yaxshi o‘yin ko‘rsatayotgan 16 yoshli Lamin Yamalning o‘yiniga qoyil qolishini yashirmadi.
"Uni faqat tabriklashim mumkin. U qanday o‘ynamoqda, qanday shaxsiyat! U aql bovar qilmaydigan futbolchi. U bugungi futboldagi fenomen, shunday xarakterga ega, maydonda futboldan juda zavq oladigan futbolchi", - dedi Rivaldo record.com bilan suhbatda.
Eslatib o‘tamiz, Yamal 2023 yilda "Barselona"da debyut qilgan va deyarli darhol Ispaniya terma jamoasiga ilk taklif olgandi.
