"Барселона"нинг собиқ футболчиси, 1999 йилда каталонияликлар сафида "Олтин тўп"ни қўлга киритган Ривалдо клубнинг ҳозирги асосий умиди - Европа чемпионатида ҳам яхши ўйин кўрсатаётган 16 ёшли Ламин Ямалнинг ўйинига қойил қолишини яширмади.
"Уни фақат табриклашим мумкин. У қандай ўйнамоқда, қандай шахсият! У ақл бовар қилмайдиган футболчи. У бугунги футболдаги феномен, шундай характерга эга, майдонда футболдан жуда завқ оладиган футболчи", - деди Ривалдо record.com билан суҳбатда.
Эслатиб ўтамиз, Ямал 2023 йилда "Барселона"да дебют қилган ва деярли дарҳол Испания терма жамоасига илк таклиф олганди.
