"Barselona" himoya qanotidagi muammoni transferlarsiz hal qilish mumkin deb hisoblamoqda.

“Ko‘k-anorranglilar”ning yangi bosh murabbiyi Xans-Diter Flik klub rahbariyatidan “Bayer”dan Jeremi Frimpongga o‘xshash yangi hujumkor o‘ng qanot himoyachisini so‘radi. Bu Jyul Kundega nihoyat himoya markazidagi pozisiyasiga o‘tishga imkon beradi, ammo bu vaziyat ro‘y berishi unchalik aniq emas. The Athletic xabariga ko‘ra, "Barselona" agar murabbiyning transfer so‘rovi qondirilmasa, fransiyalik futbolchi o‘ng qanotni egallashda davom eta olishiga ishonmoqda.

So‘nggi mavsumda Jyul Kunde markazga qaraganda o‘ngda ko‘proq o‘ynadi. Fransiyalik futbolchi qanotda o‘ynashni unchalik yoqtirmasligini tan olgan.