"Барселона" ҳимоя қанотидаги муаммони трансферларсиз ҳал қилиш мумкин деб ҳисобламоқда.
“Кўк-анорранглилар”нинг янги бош мураббийи Ханс-Дитер Флик клуб раҳбариятидан “Байер”дан Жереми Фримпонгга ўхшаш янги ҳужумкор ўнг қанот ҳимоячисини сўради. Бу Жюль Кундега ниҳоят ҳимоя марказидаги позициясига ўтишга имкон беради, аммо бу вазият рўй бериши унчалик аниқ эмас. The Athletic хабарига кўра, "Барселона" агар мураббийнинг трансфер сўрови қондирилмаса, франциялик футболчи ўнг қанотни эгаллашда давом эта олишига ишонмоқда.
Сўнгги мавсумда Жюль Кунде марказга қараганда ўнгда кўпроқ ўйнади. Франциялик футболчи қанотда ўйнашни унчалик ёқтирмаслигини тан олган.
