Himoyachi Jonatan Ta «Bayer»dan «Bavariya»ga o‘tishga yaqin kelmoqda. "Sky Germany" jurnalisti Florian Plettenberg ijtimoiy tarmoqlarda xabar berishicha, Leverkuzen klubi endi Tani sotishga tayyor. Klublar kelishuvga yaqinlashmoqda, muzokara jarayoni yaxshi ketmoqda.
«Bayer» Ta shartnomani uzaytirmasligini biladi (joriy shartnoma bir yildan keyin tugaydi) - u «Bavariya»da o‘ynashni istayotganini aytdi. 28 yoshli futbolchining Myunxendagi shartnomasi 2029 yilning o‘rtalariga qadar amal qilishi mumkin.
Jonatan Ta ayni damda Germaniya terma jamoasi bilan Yevropa chempionatida ishtirok etmoqda.
