Fransiya terma jamoasi va Myunxenning «Bavariya» klubi hujumchisi Kingsli Koman «Fenerbaxche» qiziqish doirasiga tushib qoldi.

Jurnalist Florian Plettenbergning xabar berishicha, turk klubining yangi bosh murabbiyi Joze Mourinyo 28 yoshli futbolchini o‘z jamoasida ko‘rmoqchi. Qayd etilishicha, transfer hali ham dargumon, chunki Komanning karyerasini rivojlantirish bo‘yicha boshqa rejalari bor.

O‘tgan mavsumda fransiyalik futbolchi «Bavariya» safida 28 marta maydonga tushib, 5 ta gol urdi va jamoadoshlari uchun 3 ta golli uzatmani amalga oshirdi. Futbolchining transfer qiymati 50 million yevroga baholanmoqda.