Франция терма жамоаси ва Мюнхеннинг «Бавария» клуби ҳужумчиси Кингсли Коман «Фенербахче» қизиқиш доирасига тушиб қолди.
Журналист Флориан Плеттенбергнинг хабар беришича, турк клубининг янги бош мураббийи Жозе Моуриньо 28 ёшли футболчини ўз жамоасида кўрмоқчи. Қайд этилишича, трансфер ҳали ҳам даргумон, чунки Команнинг карьерасини ривожлантириш бўйича бошқа режалари бор.
Ўтган мавсумда франциялик футболчи «Бавария» сафида 28 марта майдонга тушиб, 5 та гол урди ва жамоадошлари учун 3 та голли узатмани амалга оширди. Футболчининг трансфер қиймати 50 миллион еврога баҳоланмоқда.
