"Chelsi" yarim himoyachi Karni Chukvuemeka bilan xayrlashishga shoshilmayapti.
20 yoshli futbolchi jarohati sabab o‘tgan mavsumning ko‘p qismini o‘tkazib yubordi. Mish-mishlarga ko‘ra, bu yozda "ko‘klar" safini tark etishi mumkin bo‘lgan futbolchilar qatorida angliyalik ham bor edi, ammo londonliklar rahbariyati yarim himoyachidan qutulishni umuman istamayapti. Insayder Fabrisio Romanoning so‘zlariga ko‘ra, “Chelsi”da Chukvuemekaning iqtidori yuqori baholanadi. Klub uni ijaraga qo‘yib yubormaydi va faqat juda qulay taklif tushsa, uni sotishga rozi bo‘ladi.
Transfermarkt ekspertlari Karni Chukvuemekaning narxini 15 million yevroga baholamoqda.
