Xvicha Kvarasxeliya “Napoli” bilan shartnomasini uzaytirishdan bosh tortdi.
Corriere dello Sport xabariga ko‘ra, italyan klubi gruziyalik yarim himoyachiga 2029 yilgacha bonuslar bilan birga yiliga 5 million yevrolik yangi shartnoma taklif qilgan.
Qanot futbolchisining maoshi keyingi mavsumlarda oshadi va kelishuvning oxirgi yillarida 7 million yevrodan oshadi. Shartnomaga kompensasiya to‘lash bandi ham kiritilishi mumkin.
"Napoli" klubi prezidenti Aurelio De Laurentis bosh murabbiy Antoni Konte va Kvarasxeliyaning agenti o‘rtasida uchrashuv tashkil qildi. Muzokaralar natijasida Xvicha klub bilan shartnomani uzaytirishga rozi bo‘lmadi.
Futbolchi hamon bor e’tiborini Gruziya terma jamoasi safida Yevropa chempionatida o‘ynashga qaratgan va Yevro-2024dan keyin "Napoli" rahbariyati bilan rejalashtirilgan ikkinchi uchrashuvni kutmoqchi. Bundan tashqari, avvalroq futbolchiga «PSJ» qiziqayotgani xabar qilingandi.
Ertaga Gruziya terma jamoasi Yevropa chempionati 1/8 finalida Ispaniya terma jamoasiga qarshi maydonga tushadi.
