Хвича Кварацхелия “Наполи” билан шартномасини узайтиришдан бош тортди.
Corriere dello Sport хабарига кўра, итальян клуби грузиялик ярим ҳимоячига 2029 йилгача бонуслар билан бирга йилига 5 миллион евролик янги шартнома таклиф қилган.
Қанот футболчисининг маоши кейинги мавсумларда ошади ва келишувнинг охирги йилларида 7 миллион евродан ошади. Шартномага компенсация тўлаш банди ҳам киритилиши мумкин.
"Наполи" клуби президенти Аурелио Де Лаурентис бош мураббий Антони Конте ва Кварацхелиянинг агенти ўртасида учрашув ташкил қилди. Музокаралар натижасида Хвича клуб билан шартномани узайтиришга рози бўлмади.
Футболчи ҳамон бор эътиборини Грузия терма жамоаси сафида Европа чемпионатида ўйнашга қаратган ва Евро-2024дан кейин "Наполи" раҳбарияти билан режалаштирилган иккинчи учрашувни кутмоқчи. Бундан ташқари, аввалроқ футболчига «ПСЖ» қизиқаётгани хабар қилинганди.
Эртага Грузия терма жамоаси Европа чемпионати 1/8 финалида Испания терма жамоасига қарши майдонга тушади.
