Federiko Bernardeski MLS rivojlanishi uchun yuqori salohiyat haqida gapirdi.
– Yevropa va Italiya futboli bilan solishtirganda MLSdagi saviya qanday?
"Menimcha, hali katta farq bor – o‘yin tezligi, maydondagi vaziyatni ko‘ra olish, o‘yinni bashorat qilish. Shu munosabat bilan, mening fikrimcha, ular hali ham o‘sishi kerak.
Shubhasiz, Yevropada biz qo‘shtirnoq ichida futbolni "ixtiro qilganmiz". Ularning biroz orqada qolgani normal holat, ammo so‘nggi 6-7 yil ichida ular ancha o‘sdi, boshqa ligaga aylandi.
Menimcha, ligada aql bovar qilmaydigan salohiyat bor, ayniqsa 2026 yilgi jahon chempionatidan so‘ng. O‘ylaymanki, yaqin o‘n yil ichida chempionat ancha o‘sadi", – dedi Bernardeski.
Eslatib o‘tamiz, Federiko ayni damda "Toronto"da o‘ynaydi.