Федерико Бернардески МЛС ривожланиши учун юқори салоҳият ҳақида гапирди.
– Европа ва Италия футболи билан солиштирганда МЛСдаги савия қандай?
"Менимча, ҳали катта фарқ бор – ўйин тезлиги, майдондаги вазиятни кўра олиш, ўйинни башорат қилиш. Шу муносабат билан, менинг фикримча, улар ҳали ҳам ўсиши керак.
Шубҳасиз, Европада биз қўштирноқ ичида футболни "ихтиро қилганмиз". Уларнинг бироз орқада қолгани нормал ҳолат, аммо сўнгги 6-7 йил ичида улар анча ўсди, бошқа лигага айланди.
Менимча, лигада ақл бовар қилмайдиган салоҳият бор, айниқса 2026 йилги жаҳон чемпионатидан сўнг. Ўйлайманки, яқин ўн йил ичида чемпионат анча ўсади", – деди Бернардески.
Эслатиб ўтамиз, Федерико айни дамда "Торонто"да ўйнайди.
