"Manchester Yunayted" "Bavariya" markaziy himoyachisiga shartnoma taklifi bilan murojaat qildi.
Eslatib o‘tamiz, Erik ten Xag jamoasi Matteys de Ligtni qo‘lga kiritish uchun faol harakat qilmoqda. Jurnalist Mark Verveyning xabariga ko‘ra, "Manchester Yunayted" de Ligtga 2029 yilgacha mo‘ljallangan shartnoma taklif qilgan.
Yaqin vaqt ichida tomonlar o‘rtasida kelishuvga erishilishi kutilmoqda. "Manchester Yunayted" ham "Bavariya" bilan tovon puli borasida murosaga kelishga harakat qilmoqda.
Ikki yil avval myunxenliklar niderlandiyalik futbolchi uchun Turinning "Yuventus" klubiga 67 million yevro to‘lagandi.